Msza św. w Warszawie

16.02.2020 r. godz. 14:00
Archikatedra św. Jana Chrzciciela

Նվեր Վոլովի վանքից

Վոլովի բենեդիկտյան քույրերը՝ Լվովի հայ բենեդիկտյան քույրերի ժառանգները, սույն թվականի հունվարի 10-ին Լեհահայոց մշակույթի և ժառանգության հիմնադրամին նվիրեցին հերթական չափազանց արժեքավոր նվերը` Լվովի բենեդիկտյան քույրերի մնացած 4 դիմանկարները և «Աստծամայրը մանկան հետ»...

Նորություններ Լեհահայոց մշակույթի և ժառանգության հիմնադրամում Հարգելի ընթերցողներ, ընկերներ, նվիրատուներ …

Այս տարվանից Հիմնադրամում շատ փոփոխություններ են սպասվում, հրաժարվում ենք նախկին բանկի ծառայություններից, մեր ակտուալ հաշվեհամարն է միայն՝ BNP Paribas բանկում բացված հաշվեհամարը, որին կարող եք փոխանցել դրամական հատկացումներ կանոնադրական նպատակներով. 35 1600 1462 1890...

ՀԲԸՄ 2020. վազք Լիբանանի համար

Հայկական բարեգործական ընդհանուր միությունը (ՀԲԸՄ) հայկական non-profit (շահույթ չհետապնդող) կազմակերպություն է, որը հիմնադրվել է 1906 թվականին Եգիպտոսի Կահիրե քաղաքում: Երկրորդ համաշխարհային պատերազմի գալուստով ՀԲԸՄ-ի նստավայրը տեղափոխվեց Նյու Յորք: ՀԲԸՄ-ի եվրոպական...

Սբ. Պողոս և Պետրոս առաքյալների եկեղեցին Գդանսկ քաղաքում

TVPGdansk_panoramaGdansk_min_J_Selin Անցյալ տարվա հունիսի 2-ին հրդեհ էր բռնկվել Սբ. Պողոս և Պետրոս եկեղեցու ձեղնահարկում: Բարեբախտաբար, կրակը չէր հասել եկեղեցու հիմնական մաս, սակայն լրջորեն վնասել էր տանիքի արևելյան հատվածը: Գդանսկի ամենահին եկեղեցիներին անհապաղ...

«Արմենիկա»-ն Վրոցլավի Օսսոլինսկիների անվ. ազգային ինստիտւտի վիրտուալ ցուցահանդեսում

«Յագելոնյանների ոսկե դարաշրջանը» վիրտուալ ցուցահանդես է, որը պատրաստվել է Սիգիզմունդ II Օգոստոս թագավորի ծննդյան 500-ամյակի կապակցությամբ: Այն իրականացվել է Վրոցլավայի Օսսոլինսկիների անվ. Ազգային ինստիտուտի կողմից՝ Կրակովի ազգային թանգարանի, Ուկրաինայի Վ. Ստեֆանիկի...

ՀԲԸՄ-ն օգնում է «COVID-19»-ից տուժած հայերին

Բրյուսելում գործող Հայ բարեգործական ընդհանուր միությունը (ՀԲԸՄ) ստեղծել է Մարդասիրական շտապ օգնության հիմնադրամը` աջակցելու COVID-19 համավարակից տուժած և վտանգված հազարավոր հայերի: Կարող եք միանալ այդ օգնությանը հետևյալ հղումով՝...

ՀԲԸՄ-ի՝ առաջնորդությանը վերաբերող զարգացման ծրագիր

ՀԲԸՄ Եվրոպայի տնօրեն Նիկոլաս Տավիտյանը նկարագրում է «GORIZ» ծրագիրը հետևյալ կերպ. «Ինչպես ցույց են տվել Հայաստանում վերջին իրադարձությունները, պատմությունը մշակման փուլում է, իսկ հայերը կարող են օրինակ հանդիսանալ համաշխարհային բեմում` ինչպես համարձակ ազգ, որն ինքն է...

Հայոց ցեղասպանության 105-րդ տարելիցը

24 ապրիլի 1915 թ. Հայ բնակչության սպանդը սկսվեց 1915 թ. ապրիլի 24-ին, երբ հայ մտավորականության ներկայացուցիչների մեծ մասը ձերբակալվեց և սպանվեց: Հաջորդ քայլը հայ համայնքի վերաբնակեցումն էր Թուրքիայի շրջաններից դեպի Միջագետք և Սիրիա. տափաստանների և անապատների միջով...

«Przegląd Wschodni» լրագիրը՝ Ստանիսլավովի ծխական համայնքի մասին

«Przegląd Wschodni» եռամսյա լրագրի 2-րդ թողարկման մեջ (58-րդ համար) կարող ենք գտնել Մարչին Տիշկայի տեքստը՝ Ստանիսլավովի Հայ Կաթողիկե ծխական համայնքի գործունեության մասին: Հոդվածի ամբողջական վերնագիրն է. «Կործանումից առաջ. Ստանիսլավովի Հայ Կաթողիկե ծխական եկեղեցու...

«Լեհահայերի» պարբերականի նոր՝ 6-րդ համարը

Լույս է տեսել լեհահայերի պատմությանը նվիրված «Լեհահայեր» պարբերականի նոր՝ 6-րդ համարը: Բովանդակությունն, ինչպես միշտ, շատ հետաքրքիր է: Մոնիկա Ագոպսովիչը փորձում է վերականգնել 17-րդ դարի վերջին Կամենեցի հայերի անվանացանկը: Դորոտա Յաժոմբեկ-Վասիլը գրում է Վարշավայի...

ՆՈՐՈՒԹՅՈՒՆՆԵՐ:

Նվեր Վոլովի վանքից

Վոլովի բենեդիկտյան քույրերը՝ Լվովի հայ բենեդիկտյան քույրերի ժառանգները, սույն թվականի հունվարի 10-ին Լեհահայոց մշակույթի և ժառանգության հիմնադրամին նվիրեցին հերթական չափազանց արժեքավոր նվերը` Լվովի բենեդիկտյան քույրերի մնացած 4 դիմանկարները և «Աստծամայրը մանկան հետ» կտավը:
Վերադաս քույրեր՝ Մարիաննա Ներսեսևիչովնայի, Աննա Լյուդվիկա Քշիշտոֆովիչովնայի, Կայետանա Ռոզալիա Սարկիսևիչովնայի և Յանինա Ալոյզա Յանովիչովնայի դիմանկարները: Այս չորս կտավները լրացնում են Լվովի հայ բենեդիկտյան քույրերի առկա և պահպանված 11 դիմանկարների հավաքածուն: Նախկինում Վոլովի բենեդիկտյան քույրերից ստացել ենք 7 կտավ, որոնք արդեն անցել են մասնագիտական հետազոտություններ և կոնսերվացվել են, ինչի շնորհիվ վերգտել են նախկին շքեղությունը՝ պահպանելով սակայն ժամանակի բոլոր հետքերը: Այս դիմանկարների նվիրատվությունը Հիմնադրամի համար պատմական իրադարձություն է. ստացել ենք անցյալ դարաշրջանի ամենաթանկարժեք նմուշներից մեկը` հայ բենեդիկտյան քույրերի միաբանության հիշատակը, և միևնույն ժամանակ կտավների յուրօրինակ հավաքածու, որը հնարավորություն է տալիս դիտարկելու տվյալ ժամանակի նկարչության տենդենցները:

Պայմանագիրը և փոխանցման արձանագրությունը ստորագրեցին՝ վանքի վերադաս քույր Մարիա Դանուտա Podpisanie umowy przekazaniaՏրիբուլան և Հիմնադրամի կողմից՝ խորհրդի նախագահ Մարիա Օհանովիչ-Տարասյուկը, նկարների փոխանցման գործողությանը մասնակցում էր վանքի հաճախակի այցելու՝ Ռոմանա Օբրոցկան: Այցելության ընթացքում քույր Մարիան մեզ ցույց տվեց մի գեղեցիկ սրբատուփ` Սուրբ Հռիփսիմեի և Սուրբ Բենեդիկտի մասունքներով, և օրիգինալ ասա, որը կարելի է տեսնել քույրերի վերջին երեք դիմանկարներում: Ունեցանք նաև հնարավորություն այցելելու վանքի մատուռ:

Այսպիսով, ցանկանում ենք մեկ անգամ ևս շնորհակալություն հայտնել Բենեդիկտյան քույրերին Հիմնադրամին ընծայած առատաձեռն նվերի համար, այս որոշման շնորհիվ Բենեդիկտյան միաբանության պատմության համար անգնահատելի այս դիմանկարները կփրկվեն ժամանակի հետևանքով առաջացած դեգրադացիայից և կվերականգնեն իրենց նախկին շքեղությունը:

Նորություններ Լեհահայոց մշակույթի և ժառանգության հիմնադրամում Հարգելի ընթերցողներ, ընկերներ, նվիրատուներ …

Այս տարվանից Հիմնադրամում շատ փոփոխություններ են սպասվում, հրաժարվում ենք նախկին բանկի ծառայություններից, մեր ակտուալ հաշվեհամարն է միայն՝
BNP Paribas բանկում բացված հաշվեհամարը, որին կարող եք փոխանցել դրամական հատկացումներ կանոնադրական նպատակներով.
35 1600 1462 1890 8960 3000 0001
Մյուս լուրջ փոփոխությունն այն է, որ գործունեության 15-րդ տարում Հիմնադրամը գործելու է այլ հասցեում, մենք տեղափոխվում ենք նոր տարածք, որը համապատասխանում է մեր կարիքներին և ակնկալիքներին:
Մեր նոր հասցեն է՝ փող. Շվենտոյերսկա 12, 00-236 Վարշավա, այն զբոսաշրջային երթուղիներին շատ մոտ է՝ Նովե Միաստո, Ֆրետի փողոցից ընդամենը 150 մ հեռավորությամբ:

Mapka_Swietojerska
Տարածքը գտնվում է առաջին հարկում՝ մուտքն անմիջապես փողոցից է: Մեր տրամադրության տակ գտնվող տարածքը թույլ կտա այն մասամբ հատկացնել մեր թանգարանային և արխիվային հավաքածուների հանրային ցուցադրմանը: Այս հիանալի ծրագրերի իրականացումը կախված է դրա համար անհրաժեշտ միջոցների ձեռքբերումից։ Մենք լավատես ենք և հուսով ենք, որ ամեն ինչ հաջող կընթանա ու մի քանի ամիս անց կկարողանանք հյուրընկալել՝ մեր ընկերներին, աջակիցներին, մեր հավաքածուներով հետաքրքրված հյուրերին և Վարշավա այցելող զբոսաշրջիկներին:

ՀԲԸՄ 2020. վազք Լիբանանի համար

Հայկական բարեգործական ընդհանուր միությունը (ՀԲԸՄ) հայկական non-profit (շահույթ չհետապնդող) կազմակերպություն է, որը հիմնադրվել է 1906 թվականին Եգիպտոսի Կահիրե քաղաքում: Երկրորդ համաշխարհային պատերազմի գալուստով ՀԲԸՄ-ի նստավայրը տեղափոխվեց Նյու Յորք: ՀԲԸՄ-ի եվրոպական գրասենյակը գտնվում է Բրյուսելում:
Վերջերս այս կազմակերպությունը հատկապես ակտիվ էր օգոստոսին Բեյրութում տեղի ունեցած պայթյունի զոհերին օգնելու հարցում: Անցյալ ամիս Բեյրութի նավահանգստում տեղի ունեցած աղետալի պայթյունը խլեց բազմաթիվ անմեղ կանանց, տղամարդկանց և երեխաների կյանքեր, իսկ բազմաթիվ մարդիկ էլ վիրավորվեցին: Այն ոչնչացրեց բազմաթիվ բնակելի շենքեր, ինչպես նաև շատ ձեռնարկություններ: ՀԲԸՄ-ի երկարամյա փորձը՝ մարդասիրական օգնություն տրամադրելու գործում, օգնեց անհապաղ օգնություն կազմակերպել Լիբանանի համար, որտեղ, ինչպես գիտենք, ապրում է մեծ հայկական համայնք:
Ստեղծվեց ՀԲԸՄ 2020 Լիբանանի օգնության ֆոնդը՝ Հազարավորներին օգնելու համար: Աշխատակազմն ու կամավորներն աշխատում են շուրջօրյա ռեժիմով, առավելագույնս տուժած շրջաններում հազարավոր մարդկանց շտապ օգնություն ցույց տալու համար: Կամավորները մոբիլիզացվեցին և ստեղծվեցին առաջադրանքային խմբեր: Գործում էին նաև՝ թեժ գիծ, տան մաքրում, վերանորոգում, վնասի գնահատում, ֆինանսավորում, ավելի քան 500 տների վերակառուցում (վերակառուցումն արդեն սկսված է): Սննդամթերքով աջակցության ծրագրեր՝ ամսական սննդի պաշարներ ավելի քան 5000 հայերի համար և սննդամթերքի պատրաստում ՝ այլազգիներին (ոչ հայերին) օգնելու համար: Բժշկական օգնություն և խորհրդատվություն՝ հայերին և որոշ այլազգիներին բժշկական օգնություն ցուցաբերող կլինիկաներ, աջակցության ծրագրեր, երիտասարդների հոգեբանական խորհրդատվություն:
ՀԲԸՄ՝ վազք Լիբանանի համար
AGBU_bieg dla LibanuԼիբանանին օգնության ակցիայի շրջանակներում՝ ՀԲԸՄ-ն առաջարկել է նաև սույն թվի հոկտեմբերի 25-ին կազմակերպել 10 կմ գլոբալ վազք:
Այս միջոցառման հիմնական նախադրյալները հետևյալն են.
AGBU 10 K GLOBAL RUN (10 կմ համընդհանուր վազք)՝ ՄԱՐԿԵՏԻՆԳ ԵՎ ԳՈՎԱԶԴ
1-ին փուլ . Կադրերի հավաքագրման արշավ. սկսեք ձեռք բերել նվիրատվությունների անհատական ցանց
2-րդ փուլ . Նվիրատվություններ. տեղական նվիրատուներ, որոնք աջակցում են տեղական վազորդներն (fundraisers): Գործընկերները խրախուսում են իրենց վազորդներին՝ ակտիվորեն միջոցներ հայթայթել ամբողջ այդ ժամանակահատվածում և երկրաբգել իրենց ջանքերի համար: Գրանցված վազորդները (fundraisers) մասնակցում են 10 կմ վազքին և դրամահավաք արշավին՝ գրանցվելով առցանց և միանալով ՀԲԸՄ-ի թիմին:
ԴՐԱՄԱՀԱՎԱՔ. Վազորդները (fundraisers) ստեղծում են անձնական հանգանակության կայք և հրավիրում են ընկերներին, ընտանիքին և գործընկերներին՝ Լիբանանին օգնության համար նվիրաբերություն ստանալու համար: Տեղադրում են իրենց նվաճումների վերաբերյալ նորություններ, օգտագործում են այլ եղանակներ ավելի շատ նվիրատվություն ստանալու նպատակով և գովազդում իրենց անձնական և թիմային առաջընթացը:
ՎԱԶՔ. Վազորդներին առաջարկվում է 2020 թվականի հոկտեմբերին ինքնուրույն վազել /քայլել (քայլարշավ) իրենց տեմպով, աշխարհի որ կետում էլ որ լինեն:
Գործողության ավարտը. Հոկտեմբերի 25-ին, վազքի ավարտից հետո, հրավիրում ենք բոլորին մասնակցել արարողությանը:
Կազմակերպիչները առաջարկում են նաև լրատվամիջոցներում օգտագործել առաջարկվող հաղորդագրությունների այնպիսի տեքստեր, ինչպիսիք են.
Առաջարկ 1. Պետք է օգնենք միջոցներ հայթայթել Լիբանանի համար: Յուրաքանչյուրը կարող է մասնակցել: Քայլեք կամ վազեք: Գրանցվեք՝ կարիքավորներին օգնելու համար:
Առաջարկ 2. Օգնեք մեզ կերակրել առավել կարիքավորներին: Դուք կարող եք միջոցներ հայթայթել՝ միանալով 10կմ գլոբալ վազքինին: Դա հեշտ է՝ քայլեք կամ վազեք: Յուրաքանչյուրը կարող է մասնակցել:
Առաջարկ 3. Քայլեք կամ վազեք՝ Լիբանանին օգնության միջոցներ հայթայթելու համար: Կարող եք ինչ-որ բան փոխել՝ միանալով մեր 10 կմ գլոբալ վազքին:
Ինչ վերաբերում է միջոցառման ընթացքում օգտագործված պաստառներին կամ դրոշներին, կազմակերպիչներն առաջարկում են հատուկ գրաֆիկական լուծումներ, որոնք առկա են ՀԲԸՄ Բրյուսելի կայքում:
Ընդհանրապես, միջոցառումը մանրամասն նկարագրվում է ինտերնետում, և եթե պատրաստ եք մասնակցել, ապա պետք է ուղղորդվեք այնտեղ տեղադրված մանրամասն տեղեկատվությամբ:

Սբ. Պողոս և Պետրոս առաքյալների եկեղեցին Գդանսկ քաղաքում

TVPGdansk_panoramaGdansk_min_J_Selin
Անցյալ տարվա հունիսի 2-ին հրդեհ էր բռնկվել Սբ. Պողոս և Պետրոս եկեղեցու ձեղնահարկում: Բարեբախտաբար, կրակը չէր հասել եկեղեցու հիմնական մաս, սակայն լրջորեն վնասել էր տանիքի արևելյան հատվածը: Գդանսկի ամենահին եկեղեցիներին անհապաղ վերանորոգման կարիք ուներ: Օգնության եկան Գդանսկի իշխանությունները և Մշակույթի և ազգային ժառանգության նախարարությունը: Ներկայումս վերանորոգումն ավարտվում է, և ինչպես հաղորդվել է TV Gdańsk-ի «Պանորամա» հաղորդաշարի սեպտեմբերի 26-ի թողարկմանը, եկեղեցի էր այցելել Մշակույթի և ազգային ժառանգության փոխնախարար Յարոսլավ Սելինը, որն այս ցավալի դեպքից անմիջապես հետո տեղում էր նախարար Պիոտր Գլինսկու հետ միասին:
TVP3 Gdańsk կայքում հայտնված նյութի վերնագիրն է՝ «Սբ. Պողոս և Պետրոս եկեղեցին հրդեհից հետո վերգտնում է իր փայլը»:

«Արմենիկա»-ն Վրոցլավի Օսսոլինսկիների անվ. ազգային ինստիտւտի վիրտուալ ցուցահանդեսում

«Յագելոնյանների ոսկե դարաշրջանը» վիրտուալ ցուցահանդես է, որը պատրաստվել է Սիգիզմունդ II Օգոստոս թագավորի ծննդյան 500-ամյակի կապակցությամբ: Այն իրականացվել է Վրոցլավայի Օսսոլինսկիների անվ. Ազգային ինստիտուտի կողմից՝ Կրակովի ազգային թանգարանի, Ուկրաինայի Վ. Ստեֆանիկի անվ. Լվովի ազգային գիտական գրադարանի, Լեհահայերի մշակույթի և ժառանգության հիմնադրամի և մասնավոր հավաքածուներից: Ցուցահանդեսի կազմակերպիչը՝ դոկտոր Դորոտա Սիդորովիչ-Մուլակն է, իսկ ցուցահանդեսին ներկայացված նկարագրությունները պատրաստել է պրոֆ. Անջեյ Ժեմբան: Հրավիրում ենք դիտելու այս եզակի ցուցանմուշները, օգտվելու կրթական խաղերից և ինտերակտիվ թեստերից և լսելու վոկալ երաժշտության համերգ Յագելոնյանների դարաշրջանից:
Ցուցահանդեսը հասանելի է՝ www.zlotaepoka.ossolineum.pl կայքում:
«Արմենիկա» Հիմնադրամի հավաքածուից, Հասարակություն և տնտեսություն բաժնում …:

 

 

ՀԲԸՄ-ն օգնում է «COVID-19»-ից տուժած հայերին

Բրյուսելում գործող Հայ բարեգործական ընդհանուր միությունը (ՀԲԸՄ) ստեղծել է Մարդասիրական շտապ օգնության հիմնադրամը` աջակցելու COVID-19 համավարակից տուժած և վտանգված հազարավոր հայերի: Կարող եք միանալ այդ օգնությանը հետևյալ հղումով՝ www.agbugiving.org/reliefefforts/

ՀԲԸՄ-ի՝ առաջնորդությանը վերաբերող զարգացման ծրագիր

ՀԲԸՄ Եվրոպայի տնօրեն Նիկոլաս Տավիտյանը նկարագրում է «GORIZ» ծրագիրը հետևյալ կերպ. «Ինչպես ցույց են տվել Հայաստանում վերջին իրադարձությունները, պատմությունը մշակման փուլում է, իսկ հայերը կարող են օրինակ հանդիսանալ համաշխարհային բեմում` ինչպես համարձակ ազգ, որն ինքն է ձևավորում իր ապագան: (…) Հայ ժողովրդին անհրաժեշտ է հմուտ առաջնորդների նոր սերունդ, որպեսզի միասին դիմակայեն նոր մարտահրավերներին (…)»: Տավիտյանը նշում է, որ մեզանից յուրաքանչյուրը կարող է իր ներդրումն ունենալ համայն հայության համար: Ծրագիրը նախատեսված է 15 արական և 15 իգական սեռի ներկայացուցիչներից կազմված խմբի համար, ովքեր կմեկնարկեն Առաջնորդության զարգացման վեցամյա ուղևորությունը: Այս ուղևորությունը բաղկացած կլինի դասախոսություններից, փորձարարական սեմինարներից և սոցիալական կապվածությանը վերաբերվող դասընթացներից: Որպես «GORIZ» ծրագրի մի մաս, ՀԲԸՄ Եվրոպան կազմակերպում է «Առաջնորդիր ինքդ քեզ, այլոց և կազմակերպություններին» խորագրով բաց ուղիղ վեբինարը, որը տեղի կունենա 2020 թ. հուլիսի 4-ին, ժամը 15:00-ին.
Գրանցումը՝ www.leadership.am կայքում: Առցանց սեմինարը կվարի «Accenture»-ի գլխավոր տնօրեն Արմեն Հովհաննեսովը: Միջոցառման հղումը՝ https://www.facebook.com/events/626986528173120/

Հայոց ցեղասպանության 105-րդ տարելիցը

NIEZAPOMINAJKA24 ապրիլի 1915 թ.

Հայ բնակչության սպանդը սկսվեց 1915 թ. ապրիլի 24-ին, երբ հայ մտավորականության ներկայացուցիչների մեծ մասը ձերբակալվեց և սպանվեց: Հաջորդ քայլը հայ համայնքի վերաբնակեցումն էր Թուրքիայի շրջաններից դեպի Միջագետք և Սիրիա. տափաստանների և անապատների միջով շաբաթներ ձգվող քայլերթ, որի ընթացքում տեղահանվածները սպանվեցին, թալանվեցին և խոշտանգվեցին: Ընդհանուր առմամբ, կյանքից զրկվեց ավելի քան մեկ միլիոն հայ: Մինչ օրս Թուրքիան հրաժարվում է այդ զանգվածային սպանությունները ճանաչել որպես ցեղասպանություն:
Ապրիլի 23-ին, ժամը 20:00-ին, TVP Historia ալիքով ցուցադրվեց այս թեմային նվիրված ֆիլմ, որը հասանելի է համացանցում հետևյալ հղումով. ludobojstwo-ormian

Ludobójstwo_OrmianՀայ Կաթողիկե Եկեղեցու հոգևոր հովիվ հայր պրոֆ.
Յուզեֆ Նաումովիչը
մեզ ուղարկեց հետևյալ հաղորդագրությունը.
Կոչ եմ անում ապրիլի 24-ին հատուկ ձևով նշել Հայոց ցեղասպանության հիշատակի օրը:
Այս տարի մենք չենք կարող, ինչպես ամեն տարի, հավաքվել Լեհաստանի տարբեր քաղաքների (Կրակով, Վրոցլավ, Գդանսկ, Վարշավա և այլն) խաչքարերի մոտ՝ միասին աղոթելու, ծաղիկներ դնելու, զոհերին հարգանքի տուրք մատուցելու: Չենք կարող քայլել քաղաքների փողոցներով` հայկական պաստառներով և դրոշներով, հիշատակի երթերով, որպեսզի անընդհատ հիշեցնենք այս ողբերգության մասին: Այնուամենայնիվ, կարող ենք այս հիշողությունը պահպանել անհատապես կամ ընտանիքներում:
Կարող ենք նաև աղոթել այս սպանդի զոհերի, խաղաղության, ինչպես նաև աղոթել հայ սուրբ նահատակների համար:
Ուզում եմ հիշեցնել, որ ունենք հայ սուրբ նահատակներ.

  • 2001 թ-ին Վատիկանում Հովհաննես Պողոս Երկրորդը սրբադրել է թուրքական Մարդինի հայ կաթողիկե արքեպիսկոպոս Իգնացի Մալոյանին, ով նահատակվել է՝ դատապարտվելով, սարսափելի կերպով խոշտանգվելով, բայց հրաժարվելով կրոնափոխվել և իսլամ ընդունել: 1915 թվականի հունիսի 11-ին գնդակահարվելուց առաջ, նա մերժել է իր կյանքը փրկելու առաջարկը՝ հավատը մերժելու գնով:
  • 2015-ի օգոստոսին սրբադրվել է սիրիացի կաթոլիկ եպիսկոպոս Ֆլավիան Միքայել Մելկին, ով սպանվել է 1915-ի օգոստոսի 29-ին հայերի և ասորիների ցեղասպանության ժամանակ՝ կրոնափոխվելուց հրաժարվելու համար: Սրբադրման հանդիսավոր արարողությունը տեղի է ունեցել Լիբանանում, Հռոմի պապ Ֆրանցիսկոսի անունից արարողությունը գլխավորում էր կարդինալ Անջելո Ամատոն:
  • 2015 թ-ի ապրիլին 23-ին Հայ Առաքելական Եկեղեցին սրբացրեց 20-րդ դարասկզբի ցեղասպանության զոհերին՝ նրանց ճանաչելով որպես նահատակներ: Նահատակների թվով, սա համարվում է ամենամեծ սրբադասումը քրիստոնեության պատմության մեջ (1.5 միլիոն նահատակ): Ողբերգական իրադարձությունների 100-րդ տարելիցի նախօրեին, Էջմիածնում սրբադասումը կատարեցին երկու հայ կաթողիկոսներ՝ Գարեգին Բ-ն և Արամ Ա-ն, Հռոմի Կաթոլիկ ու Հայ Կաթողիկե Եկեղեցիների ներկայացուցիչների և այլ դավանանքների ներկայացուցիչների ներկայությամբ:
    Նոր սրբերի հիշատակման օրն առաքելական ծիսական օրացույցում նշանակվել է ապրիլի 24-ը, որպես «Հայոց ցեղասպանության նահատակ սրբերի ոգեկոչման օր, որոնք ընկան հանուն իրենց հավատքի և հայրենիքի»:

Թող խորհրդանշական անմոռուկը` մանուշակագույն, նաև կապույտ, նշան դառնան ողբերգության հիշատակի և միևնույն ժամանակ քաջության, փառքի և հավատքի` 1915-1917 թթ. հայ նահատակների համար, ովքեր զոհվեցին իրենց հայրենիքի և քրիստոնեական հավատքի համար:
Ապրիլի 24-ին ես անհատապես աղոթելու եմ Հայկական պուրակում գտնվող խաչքարի մոտ (Վարշավա – Սադիբա),
ինչպես նաև Աստծո նախախնամության տաճարի բակում գտնվող խաչքարի մոտ (Վարշավա -Վիլանուվ)։
Հայր Յուզեֆ Նաումովիչ

«Przegląd Wschodni» լրագիրը՝ Ստանիսլավովի ծխական համայնքի մասին

Przeglad_Wsch«Przegląd Wschodni» եռամսյա լրագրի 2-րդ թողարկման մեջ (58-րդ համար) կարող ենք գտնել Մարչին Տիշկայի տեքստը՝ Ստանիսլավովի Հայ Կաթողիկե ծխական համայնքի գործունեության մասին: Հոդվածի ամբողջական վերնագիրն է. «Կործանումից առաջ. Ստանիսլավովի Հայ Կաթողիկե ծխական եկեղեցու գոյության վերջին տարիները»: Մարչին Տիշկան, հիմնվելով նաև Լեհահայերի մշակույթի և ժառանգության հիմնադրամում առկա փաստաթղթերի վրա, խոսում է ծխական կյանքի ամենակարևոր իրադարձությունների մասին, ուրվագծում է նրա կերպարը անկախության վերջին տարիներին և բռնազավթման տարիներին: Հաղորդում է տեղեկություններ մշտական ծառայությունների մասին, ինչպես նաև ծիսական օրացույցի հետ կապված տոնակատարությունների մասին: Նա մեջբերում է խոշոր իրադարձությունների մասին ռեպորտաժներ, ներառյալ 1937 թ.-ին «Գթասիրտ Տիրամոր» պատկերի պսակումից, որը եզակի տոնակատարություն էր Ստանիսլավովի ծխական հանայնքի և ընդհանրապես քաղաքի կյանքում: Հրապարակված տեքստից տեղեկանում ենք, թե ինչպես են բռնազավթման տարիներն ազդել գործունեության բռնի կրճատման վրա, որը հիմնականում սահմանափակվել է աղերսներով և պատարագներով ՝ «երջանիկ վերադարձի համար …»: Հեղինակը մատնանշում է տեղում գործող հովիվների հսկայական նվիրվածությունը՝ չնայած դժվարություններին, որոնք առաջացել են ողբերգական ժամանակների հետ կապված:
«Przegląd Wschodni» լրագրի նույն համարում Դարիուշ Մաչյակը պատրաստել է 2016-2018 թթ. ամենակարևոր իրադարձությունների ժամանակագրությունը, որոնք տեղի էին ունեցել Լեհաստանի տարբեր քաղաքներում, և վերաբերում էին Կազիմիր Մեծի կողմից 1367 թ-ին լեհահայերին արտոնության տրամադրման 650-ամյակի տոնակատարություններին:

«Լեհահայերի» պարբերականի նոր՝ 6-րդ համարը

Lehahayer_6Լույս է տեսել լեհահայերի պատմությանը նվիրված «Լեհահայեր» պարբերականի նոր՝ 6-րդ համարը: Բովանդակությունն, ինչպես միշտ, շատ հետաքրքիր է: Մոնիկա Ագոպսովիչը փորձում է վերականգնել 17-րդ դարի վերջին Կամենեցի հայերի անվանացանկը: Դորոտա Յաժոմբեկ-Վասիլը գրում է Վարշավայի հնարամիտ հայերի մասին, որոնցից, հավանաբար, Շիմոնովիչը դարձել է Բոհոմոլեցի կատակերգության կերպարի նախատիպը: Մաքսիմ Պոտապենկոն գրում է Մոհիլով Պոդոլսկի հայության մասին, իսկ հայր Մարեկ Միլավիցկին վիեննական ժողովածուներից մեջբերում է Գալիցիայի Հայ կաթողիկե եկեղեցու պատմության աղբյուրները: Շատ հետաքրքիր է Վենետիկի Մխիթարյան միաբանության անդամ Վահան Օհանյանի բանախոսությունը՝ հայ մտավորականներից վանական Ղևոնդ Ալիշանի՝  19-րդ դարի հայ բանաստեղծի և պատմաբանի մասին: Տոմաշ Քշիժովսկին ներկայացնում է արքեպիսկոպոս Յուզեֆ Թեոդորովիչի նամակագրությունը Լեհաստանի պրիմաս, կարդինալ Ավգուստ Հլոնդի հետ: Ռոմանա Օբրոցկան կազմել է Իսահակ Անտոնի Դոնիգևիչի նամակներն աշխատանքային ճամբարից: Ձայներ, զեկույցներ և տեղեկություններ հավելվածում, ի թիվս այլոց, Քշիշտոֆ Ստոպկան վերադառնում է Սկևրայի Ավետարանի ճակատագրին, Անդժեյ Պիսովիչն անդրադառնում է Պենդերեցկի ազգանվան ծագումնաբանությանը: Անջեյ Ժեմբան գրում է Յասսից մի գտածոյի մասին, որը կարող է լինել Թ. Աքսենտովիչի «Հայաստանի մկրտությունը» նկարը, որը պատվիրել է հայր Բոգդանովիչը Սուչավայի եկեղեցու համար: Անջեյ Ժեմբան լուսաբանում է նաև Լեհաստանում հայկական մշակույթի ուսումնասիրությունների կենտրոնի աշխատանքների սկիզբը:

Wirtualny Świat Polskich Ormian